Tau Jarys – жыл сайынғы шағын биіктікті ала отырып, ойлы-қырлы жермен жүгіру, сондай-ақ үлкен отбасылық фестиваль.

Күні: 19 мамыр 2024

Орны: Алматы облысы, «Алатау» ШБК

Барлық қашықтықтың сөресі мен мәресі: «Алатау» ШБК паркі.

Қашықтықтар: 2 км (10-14 жас), 6 км (15 жастан жоғары), 12 км (15 жастан жоғары), скандинавиялық жүріс – 6 км (15 жастан жоғары).

Қатысу үшін міндетті түрде онлайн-тіркеуден өтіп, сөрелік жарнаны төлеу қажет.

Сөрелік жарна:

• 12 км – 13 000 теңге,
• 6 км – 11 000 теңге,
• 2 км – 6 000 теңге,
• Скандинавиялық жүріс (6 км) – 11 000 теңге

Қатысқаны үшін енгізілген қаражат қайтаруға және қайта тіркелуге жарамайды.

Сөрелік жинақтарды беру 2024 жылдың 17-18 мамырында сағат 10:00-ден 20:00-ге дейін Алматы қ. мекенжайы бойынша өтеді. Берілетін жердің нақты мекенжайы кейінірек жарияланатын болады.

Жас санаттары:

• 2 км (балалар қашықтығы) –10-12, 13-14 жас

• 6 км, 12 км– 15-29, 30-39, 40-49, 50-59, 60-69 жас, 70 жастан жоғары

• Скандинавиялық жүріс (6 км) – 15 жастан жоғары.

6 км және 12 км қашықтықтағы абсолютті жас санатындағы жеңімпаздар медальмен, грамотамен, ақшалай сертификатпен және бағалы сыйлықтармен марапатталады.

2 км, 6 км және 12 км қашықтықтағы жас санаттарындағы жеңімпаздар медальмен, грамотамен және бағалы сыйлықтармен марапатталады.

Барлық мәрешілер естелік медаль алады.

Біз қатысушылар үшін, олардың достары/ отбасы мүшелері/ жанкүйерлері/ әріптестері үшін, сонымен қатар мамыр айындағы демалыс күндерін таза ауада және көз жауын алатын көріністерге тамсана  өткізгісі келетіндер үшін трансфер ұйымдастырдық.

Автобустардың тұрақтайтын орыны: Байтұрсынов көшесінің бойында, Сәтпаев көшесі мен Абай даңғылының аралығында.

Қатысушылардың жиналуы – таңғы 06:00.

Трансферді сатып алудың екі жолы бар:

- Тіркеу кезінде, жеке ақпаратты толтырғаннан кейін орындар санын таңдап, төлеңіз,

- Сайттағы «Тіркелу» сөзінің жанындағы батырманы басу арқылы.

Екі жаққа бір адамға арналған трансфер құны – 2 500 тг. Трансфер екі бағытқа жарамды (барып-келу).

Сондай-ақ, сіз өз көлігіңізбен жете аласыз, ол жерде автотұрақ бар.

Бұл іс-шара тек тау жарысы ғана емес, ол отбасылық фестиваль. Өйткені, сіз және сіздің жақындарыңыз тартысты жарыстың атмосферасынан, дәмді тағамдардан, әңгіме-дүкен құру мен ойын-сауықтан ләззат ала алатын болады.