Жүгірістің бағыты қаланың ең үлкен даңғылында өтеді. Жолдар 3 сағатқа – таңғы 8:30-дан 11-30-ға дейін жабылады.
Жүгірістің бағыты Әл-Фараби даңғылы бойынша Гагарин көшесінің қиылысында бұрылу арқылы өтеді. Бастау-аяқтау қалашығы Әл-Фараби даңғылы бойынша «Нұрлы-Тау» бизнес-орталығының көлік қою аумағында орналасады. Жүгірістің толық маршруты «Алматы марафон» сайтта орналасқан.
Жарыста мынадай қашықтықтар болады:
- 3 км (10-14 жастағы қатысушылар үшін);
- 10 км (15 жастан асқан қатысушылар үшін);
- 7 км скандинавиялық жүріс үшін.
Бұл жылы 10 км қашықтықтағы жарыстар 4 жас санаты бойынша өтеді:
- 15-34 жас;
- 35-49 жас;
- 50-59 жас;
- 60+. Алғаш рет ересек жас санатындағы жеңімпаздар анықталады.
Абсолюттік сынақтағы жеңімпаздар, 10 км қашықтықтағы ең жүйрік қатысушылар өзара 200 000 теңге ақшалай жүлдесін бөліседі. Ал өз жас санаттарында бірінші үш орынды иеленетін жүгірушілер медальдар мен серіктестерімізден бағалы сыйлықтар алады. Мәре сызығын кесіп өткен әрбір қатысушы естелік медаль алады.
1 ақпаннан бастап ашық жаттығулар басталды. Енді жылдың басты жүгіру сөресі – «Алматы марафонына» кәсіби жаттықтырушылардың жетекшілігімен 3 есе жиі дайындала аласыз. Ашық жаттығулар сейсенбі сайын 20.00-де Тұңғыш Президент саябағында, бейсенбі сайын 20.00-де «Атакент» ҚІЫО-да және сенбі сайын 10.00-де дәл сол Атакентте өтеді. Қатысу тегін!
Қысқы жүгірістің ұйымдастырушылары: «Бірінші болу - батылдық» корпоративтік қоры, «World Class Almaty» фитнес-клубы, академик Ш. Есенов атындағы ғылыми-білім беру қоры және #СенБасқасың көпспортты Youtube-арнасы.
«Алматы марафоны» маусымдық жүгірістерінің басты серіктесі – Kaspi.kz.
